# Aggregations

Data တွေကိုစုပေါင်းပြီးတော့တွက်ချက်မှုတွေ၊ report ပုံစံမျိုးတွေထုတ်ပေးနိုင်ဖို့အတွက် SQL က Aggregations ဆိုတဲ့ functions တွေကို support လုပ်ပေးထားပါတယ်။ သဘောတရားကိုပိုနားလည်နိုင်ဖို့အတွက်အောက်က query တွေစမ်းရေးကြည့်ပြီး results တွေကိုကြည့်နိုင်ပါတယ်။

သုံးနေကျ `students` table ကိုပဲဆက်သုံးကြပါမယ်။

## COUNT

ထွက်လာမယ့် result set တစ်ခုရဲ့data rows တွေကိုတွက်ချင်တဲ့အချိန်မှာ COUNT ဆိုတဲ့ function ကိုသုံးနိုင်ပါတယ်။

```
SELECT COUNT(*) AS TotalStudents
FROM students;
```

![ag1](https://raw.githubusercontent.com/HlaingTinHtun/SQL-101/main/assets/queries/ag/ag1.png)

***

COUNT(\*) ဆိုပြီး `*` ကိုသုံးပြီးတော့အားလုံးးရဲ့ results ကိုယူပါမယ်။ `AS TotalStudents` ဆိုတာကတော့ `alias` ပေးလိုက်တာဖြစ်ပါတယ်။ `alias` ဆိုတာကတော့အသုံးပြု (ပြန်ခေါ်လို့ရမယ့်)နာမည်တစ်ခုပေးလိုက်တာလို့ဆိုနိုင်ပါတယ်။ လောလောဆယ်သိပ်နားမလည်လည်းရပါတယ်။

`alias` မပါဘဲတန်းသုံးလည်းရပါတယ်။ ထွက်လာတဲ့ column နာမည်နေရာမှာတော့ `alias` နာမည်မဟုတ်တော့ဘဲ `COUNT(*)` ဆိုပြီးတော့ဘဲပါလာပါမယ်။ ဒါကြောင့်ပြန်ခေါ်သုံးရလွယ်အောင် နားလည်ရလွယ်ကူတဲ့ `alias` နာမည်လေးတွေပေးပြီး query ရေးလေ့ရှိကြပါတယ်။

![ag2](https://raw.githubusercontent.com/HlaingTinHtun/SQL-101/main/assets/queries/ag/ag2.png)

***

## SUM

ကိန်းဂဏန်းတွေရှိတဲ့ column တွေရဲ့တန်ဖိုးတွေကိုစုပြီးပေါင်းချင်တဲ့အချိန်မှာ `SUM` ကိုသုံးနိုင်ပါတယ်။ ဥပမာ `students` table ထဲက `age` column တွေအကုန်ပေါင်းချင်တယ်ဆိုပါစို့၊ အောက်ကလိုမျိုး `SUM` ကိုသုံးပြီးရေးနိုင်ပါတယ်။

```
SELECT SUM(age) AS TotalAge
FROM students;
```

![ag3](https://raw.githubusercontent.com/HlaingTinHtun/SQL-101/main/assets/queries/ag/ag3.png)

***

## AVG

AVG ကတော့ `SUM`နဲ့ပုံစံတူပဲ၊ သို့ပေမယ့်ပေါင်းတာမဟုတ်ဘဲနဲ့ Average ကိုတွက်ပေးတာဖြစ်ပါတယ်။ `students` table ထဲက `age` column ရဲ့ average ကိုတွက်ကြည့်ရအောင်။ (ဥပမာဒီကျောင်းကကျောင်းသားတွေရဲ့ average age ကဘယ်လောက်လဲဆိုတာမျိုးတွက်တဲ့နေရာမျိုးမှာအသုံးဝင်ပါတယ်။)

```
SELECT AVG(age) AS AverageAge
FROM students;
```

![ag4](https://raw.githubusercontent.com/HlaingTinHtun/SQL-101/main/assets/queries/ag/ag4.png)

## MIN

`MIN` ကတော့အသေးဆုံးကိန်းဂဏန်းကိုဆွဲထုတ်ချင်တဲ့အချိန်မျိုးမှာသုံးပါတယ်။ `students` table ထဲကအသက်အငယ်ဆုံးကျောင်းသားကိုသိချင်တယ်ဆိုရင် ဒီလိုမျိုးထုတ်ကြည့်နိုင်ပါတယ်။

```
SELECT MIN(age) AS YoungestAge
FROM students;
```

![ag5](https://raw.githubusercontent.com/HlaingTinHtun/SQL-101/main/assets/queries/ag/ag5.png)

***

## MAX

`MAX` ကတော့ `MIN` နဲ့ပြောင်းပြန်အကြီးဆုံးကိုဆွဲထုတ်တာဖြစ်ပါတယ်။

```
SELECT MAX(age) AS OldestAge
FROM students;
```

![ag6](https://raw.githubusercontent.com/HlaingTinHtun/SQL-101/main/assets/queries/ag/ag6.png)

***

## GROUP BY

`GROUP BY` ကိုအရှေ့မှာတွေ့ပြီးသားဖြစ်မှာပါ။ ထပ်ဖော်ပြရတဲ့အကြောင်းရင်းက Aggregation function တွေသုံးပြီး query ဆွဲတဲ့အချိန်မှာ `GROUP BY` ကိုသုံးပြီး group လေးတွေခွဲပြီး data တွေကိုထုတ်ကြည့်လို့ရပါတယ်။ ဥပမာ `major` တစ်ခုချင်းစီမှာကျောင်းသားဘယ်နှစ်ယောက်ရှိလဲဆိုတာမျိုးသိချင်ရင် `GROUP BY` ကို Aggregation function တွေနဲ့ပေါင်းပြီးအောက်ကလိုသုံးနိုင်ပါတယ်။

```
SELECT major, COUNT(*) AS NumberOfStudents
FROM students
GROUP BY major;
```

![ag7](https://raw.githubusercontent.com/HlaingTinHtun/SQL-101/main/assets/queries/ag/ag7.png)

***

## HAVING

`HAVING` ကတော့ အရှေ့အပိုင်းတွေမှာဖော်ပြခဲ့တဲ့ `WHERE` နဲ့အတူတူပါပဲ။ Aggregation functions တွေမှာ `WHERE` ကိုအသုံးပြုလို့မရနိုင်တဲ့အတွက် `HAVING` ကိုသုံးခြင်းဖြစ်ပါတယ်။ အပေါ်က query ကိုပဲ `HAVING` နဲ့ filter ခံကြည့်ရအောင်။ `major` group ထဲကမှကျောင်းသားတစ်ယောက်အထက်ရှိတဲ့ `major` ကိုပဲလိုချင်တယ်ဆိုပါစို့။

```
SELECT major, COUNT(*) AS NumberOfStudents
FROM students
GROUP BY major
HAVING COUNT(*) > 1;
```

![ag8](https://raw.githubusercontent.com/HlaingTinHtun/SQL-101/main/assets/queries/ag/ag8.png)

***

Aggregation functions တွေက real world မှာလည်းအသုံးဝင်တဲ့ functions တွေဖြစ်ပါတယ်။ သူ့ချည်းပဲဆိုမသိသာပေမယ့် `GROUP BY` တို့ `HAVING` တို့ခံပြီးသုံးမယ်ဆိုအရမ်း powerful ဖြစ်တဲ့အပြင် query ကများတဲ့အခါရေးရတာလဲ နည်းနည်း tricky ဖြစ်တတ်ပါတယ်။ အပေါ်ကကျနော့်နမူနာကို စုတုပြုပြီး မိမိဘာသာဆက်ပြီးလေ့ကျင့်ကြည့်ကြပါဦး။


---

# Agent Instructions: Querying This Documentation

If you need additional information that is not directly available in this page, you can query the documentation dynamically by asking a question.

Perform an HTTP GET request on the current page URL with the `ask` query parameter:

```
GET https://sql101.aprogrammer.blog/lets-get-our-hands-dirty/aggregation.md?ask=<question>
```

The question should be specific, self-contained, and written in natural language.
The response will contain a direct answer to the question and relevant excerpts and sources from the documentation.

Use this mechanism when the answer is not explicitly present in the current page, you need clarification or additional context, or you want to retrieve related documentation sections.