> For the complete documentation index, see [llms.txt](https://sql101.aprogrammer.blog/llms.txt). Markdown versions of documentation pages are available by appending `.md` to page URLs; this page is available as [Markdown](https://sql101.aprogrammer.blog/data-and-database.md).

# Data & Database

SQL 101 series ရဲ့ပထမဦးဆုံးအပိုင်းဖြစ်ပါတယ်။

ဒီအပိုင်းမှာတော့ data နဲ့ database အကြောင်းကို intro ဝင်ပေးသွားပါမယ်။

ဒေတာ(data) ဆိုတဲ့ စကားလုံးကိုကျနော်တို့အားလုံးမစိမ်းလောက်ပါဘူး။ ကျနော့်တို့ကိုယ်တိုင်ကစလို့ နေရာတိုင်းမှာ data တွေရှိတယ်။ ဘယ်လိုအရာတွေကို data လို့ခေါ်နိုင်လဲဆိုရင် အချက်အလက်တစ်ခုက ကောက်ယူလို့ရမယ်၊ သိမ်းဆည်းလို့ရမယ်၊ အသုံးပြုလို့ရမယ်ဆိုရင် data လို့သတ်မှတ်နိုင်ပါတယ်။ ဥပမာဖုန်းထဲကဓါတ်ပုံ၊ဗီဒီယိုတွေ၊ ရာသီဥတုအချက်အလက်တွေ၊ စတော့ဈေးနှုန်းတွေစသည်ဖြင့် ဒါတွေအားလုံးက data တွေပဲဖြစ်ပါတယ်။ ယနေ့ခေတ်မှာ data တွေက အလွန်တန်ဖိုးရှိလာပါတယ်။ ဒါကြောင့်လည်း data တွေအများကြီးပိုင်ဆိုင်ထားတဲ့ google, facebook တို့လို companies တွေဟာတန်ဖိုးကြီးနေရခြင်းဖြစ်ပါတယ်။

နေ့စဉ်နဲ့အမျှနေရာပေါင်းစုံကနေ data တွေထွက်နေနိုင်ပါတယ်။ သို့ပေမယ့် ဒီ data တွေကိုသိမ်းဆည်းခြင်းမရှိဘူးဆိုရင် ပြန်လည်အသုံးပြုလို့မရနိုင်တဲ့အတွက် အကျိုးမရှိနိုင်ပါဘူး။ သိမ်းဆည်းဖို့နည်းလမ်းတစ်ခုလိုအပ်တဲ့အတွက် database ဆိုတဲ့အရာကို အသုံးပြုပါတယ်။ database ထဲမှာ data တွေသိမ်းဆည်းခြင်း၊ ပြန်လည်ထုတ်ယူသုံးစွဲခြင်းစသည်ဖြင့်ပြုလုပ်ကြပါတယ်။

Database ဆိုလို့အသစ်အဆန်းတစ်ခုတော့မဟုတ်ဘူး၊ computer တစ်လုံးသက်သက်ပါပဲ။ hardware နဲ့ software ပေါင်းစပ်ပြီး data တွေသိမ်းဆည်းတာတွေ၊ အသုံးပြုတာတွေပြုလုပ်နိုင်ပါတယ်။ နောက်လာမယ့်အပိုင်းတွေမှာ computer ထဲကို လိုအပ်တဲ့ software installation လုပ်ပြီးတော့ စတင်လေ့လာကြပါမယ်။